Borgin » albums

Hjaltalín – Terminal

kimirecords@kimirecords.net — Fri, 30 Oct 2009 00:46:53 +0000

Önnur breiðskífa Hjaltalín kemur í nóvember.

Megas & Senuþjófarnir – Segðu ekki frá (með lífsmarki)

kimirecords@kimirecords.net — Thu, 29 Oct 2009 11:26:11 +0000

Segðu ekki frá er tvöföld tónleikaplata frá Megasi & Senuþjófunum. Hér hefur verið safnað saman upptökum síðustu ára af tónleikum Megasar & Senuþjófunum. Niðurstaðan er ómetanlegt safn bestu og þekktustu laga Megasar í glæsilegum tónleikabúningi.

Lagalisti:

Diskur 1: Ég vil vera, Ábendin, Lóa Lóa, Gott er að elska, Sút fló í brjóstið inn, Heimspekilegar vangaveltur um þjóðfélagsstöðu, Ragnheiður Biskupsdóttir, Jólanáttburður, Önundur Póli, Reykjavíkurnætur, Vertu mér samferða inní blómagarðinn amma og Álafossúlpan

Diskur 2: Ég á mig sjálf (söngurinn hennar Diddu), Uppskeruhátíð, Napóleon Bekk, Freyjufár, Saga úr Sveitinni, Kvöld í Atlavík, Hold er mold, Orfeus og Evridís, Gamla gasstöðin við Hlemm, M – nótt, Tvær stjörnur, Spáðu í mig, Við sem heima sitjum #45 og Paradísarfuglinn.

Snorri Helgason – I’m gonna put my name on your door

kimirecords@kimirecords.net — Thu, 29 Oct 2009 11:04:45 +0000

Fyrsta sólóskífa Snorra Helgasonar, liðsmanns Sprengjuhallarinnar. Inniheldur meðal annars smellinn ‘Freeze Out’.

Hjálmar -IV

kimirecords@kimirecords.net — Wed, 19 Aug 2009 23:37:00 +0000

Fjórða plata Hjálma kemur út á Borginni þann 20. september. Hún verður fyrst um sinn fáanleg á CD en svo er von á vinýlútgáfu af plötunni með haustinu. Platan gengur undir nafninu krókódílaplatan en heitir IV. Gaman af því.

Á plötunni eru 10 lög og hafa nokkur þeirra farið í góða útvarpspilun á síðustu misserum. Helst ber þar að nefna ofurslagarann Manstu og hið yndislega Heyrist hverjum.

Egill S

kimirecords@kimirecords.net — Wed, 19 Aug 2009 23:28:16 +0000

Egill S er fyrsta platan á Borginni. Við erum hrærðir og stoltir yfir því að fá að gefa út svona frábæra plötu og við erum ekki í vafa um að tónlistaraðdáendur landsins eigi eftir að taka þessari skífu vel.

Endilega tryggið ykkur eintak á geisladiski og/eða á rafrænu formi. Hún fæst allstaðar og þá aðalega hér: borgin.grapewire.net og á gogoyoko.

múm – Sing along to songs you don’t know

kimirecords@kimirecords.net — Fri, 14 Aug 2009 02:15:35 +0000

5ta breiðskífa múm liða er að detta í búðir. Fylgist með

Baggalútur – Sólskinið í Dakota

sigurbjorno — Tue, 07 Jul 2009 13:29:40 +0000

Sólskinið í Dakota var upphaflega gerð í tilefni af för Baggalúts á slóðir Vestur-Íslendinga vorið 2009. Skífan er að mestu byggð á kvæðum eftir vestur-íslenska kímniskáldið Káinn, Kristján Níels Júlíus (1860–1936).

Káinn bjó lengst af í Norður-Dakota og er grafinn í Þingvalla-kirkjugarðinum skammt utan við smábæinn Mountain – sem Baggalútur heimsótti einmitt í ferðinni. Hann var þekktur fyrir gamansamar vísur sínar og kvæði – þar sem kvenfólk og áfengi komu mjög við sögu.

Hljómskífan inniheldur ellefu lög. Níu við texta eftir Káinn og eitt við ljóð Stepháns G. Stephánssonar – auk þess sem ættjarðarsmellurinn Ísland, ég elska þig fær að fljóta með.

Guðmundur Pálsson og Karl Sigurðsson syngja flest laganna, en sérlegir gestasöngvarar eru þjóðargersemarnar Megas og Gylfi Ægisson. Auk þess veita Gamlir Fóstbræður liðsstyrk sinn.

Lögin eru eftir Braga Valdimar Skúlason. Ísland ég elska þig er einnig eftir Mikael Svensson og Guðm. Kristinn Jónsson.

Platan kemur út bráðlega og mun fást í verslunum og á vefsíðum. Hún er meira að segja þegar til sölu (með samviskulæsingu) á þeirra eigin vefsíðu.

Sigríður Thorlacius og heiðurspiltar – Á Ljúflingshól

sigurbjorno — Fri, 03 Jul 2009 22:34:33 +0000

Hin margrómaða og íðilfagra söngkona Sigríður Thorlacius syngur hér ástsælustu lög Jóns Múla við undirleik sannkallaðra heiðurspilta. Látið þessa ekki sleppa í flesta pakka.
Hin margrómaða og íðilfagra söngkona Sigríður Thorlacius syngur hér ástsælustu lög Jóns Múla við undirleik sannkallaðra heiðurspilta. Látið þessa ekki sleppa í flesta pakka. Platan kemur út þann 7. september og mun fást allstaðar.

Tryggið ykkur eintak í næstu verslun eða á vefnum